Despois dunha entrevista á galega retida en México, estas son as principais liñas que publica un diario de Quintana Roo, o estado ó que pertence Cancún.
Un día logo de obter a súa liberdade, a española Ana María Ríos Bemposta, recoñece que o seu caso é único en anos e non ten porque pasarlle a outros turistas, polo que recomendaría ampliamente visitar Cancún e non dubidaría en volver visitar Quintana Roo nun tempo razoable, unha vez pasado este trance.
As autoridades tratáronme como unha raíña, se digo o contrario estou mentindo.
Se me pasou a min non ten porque pasarlle a todo o mundo.
Recentemente o vin e é precioso, expresa con emoción e engade que recomendaría visitar Quintana Roo porque o sitio é fantástico.
Síntome mellor. Non é unha situación fácil, non todo o mundo está preparado para tal situación. Tes que verte no medio para saber como vas actuar.
Engade que quizais en dous meses esqueza o incidente que a retén en México e volvería encantada a Quintana Roo, refírese a que é a primeira vez en moitos anos que se detén a algún turista no aeroporto internacional nesas condicións antes non sabía que hai que ter un pouco de coidado coa equipaxe. Non tiña candado a equipaxe, e non podes fiarte tanto.
Era unha viaxe que desexaba facer de toda a vida. Vir a México para min era un soño, levaba nove anos e en canto puiden fíxeno. Chámame a atención a súa cultura. O pasaporte quiteino para viaxar a México, era a primeira vez que saía fora de Europa.
Se ve que andan lixeiramente preocupados pola imaxe que está chegando a España do seu país. Outro diario da zona, enumera moitos dos comentarios que deixaron na web de "La Voz de Galicia" numerosos lectores galegos e do resto de España, que por certo, non deixan moi ben a México.
En fin, cada un tira para a súa casa, evidentemente saben alí que a súa imaxe quedou seriamente dañada e como di o Alcalde do pobo da rapaza, non pode ser que nun lugar de tanta sona e tanta xente, houbera tantos problemas para sacar á moza do cárcere con tantas probas o seu favor. Polo que se ve, pódese dicir que por esta vez, as autoridades diplomáticas, neste caso o consulado español en Cancún, actuaron correctamente (según parece).
A rapaza xa está en liberdade, pero aínda non pode saír do país ata que se esclareza o asunto das balas, xa que o dos explosivos xa foi desestimado polo xuíz.
Din que incluso podería ter que quedarse alí un ano...
Etiquetas: Galicia
Parece ser que el fiscal va pedir el sobreseimiento de los cargos que pesan sobre Ana María, esto significa que el Juez podría decretar libertad en unos cuatro días.